Немного же мы узнали. Боюсь, нам лучше сразу перейти к первоисточнику, то есть опросить самого осведомленного свидетеля из этой «в верхах произведенной» группы — Московский свод 1479 года, ставший основой всего великокняжеского и царского летописания последующего времени.
Опять привожу полный текст записи. Потерпите:
'О бою о Белевском.
Тое же осени пришед царь Махмут седее в граде Белеве, бежав от иного царя. Князь же великы Василей Васильевич посла на него дву князей Дмитреев Юрьевичев, и прочих князей, и множество с ними же многочислены полкы, а царю в мале тогда сущу. Идущим же им к Белеве, все пограбиша у своего же православнаго християньства и мучаху людеи из добытка, и животину биюще, назад себе отсылаху, ни с чим же не разыдошася, все грабяху и неподобная и скверная деяху. Пришедшим же им к Белеве, и царь убоявся, видев многое множство полков Русскых, начат даватися во всю волю князем Русскым. Они же не послушаша царевых речей. На утрии же исполчившися Русстии полци поидоша к городу, и Татарове же выидоша противу им, и бысть им бой силен. И поможе бог христьяном, побиша Татар много, зятя царева убиша и князей много и Татар и в город вгониша их. Убьен же бысть тогда в городе князь Петр Кузминьской да Семен Волынец, гнаша бо ся те за Татары и до половины града, а прочии вои от града възвратишася. На утри же послал царь ко князем Русскым и воеводам зятя своего Ельбердея да дараг, князей Усеина Сараева да Усень Хозю. А к ним приехали на зговорку Василей Иванович Собакин да АндрейФедорович Голтяев. И рекоша Тарарове к ним: «царево слово к вам, даю сына своего Мамутека, а князи своих детей дают вам в закладе на том, дасть ми бог, буду на царстве и доколя буду жив, дотоля ми земли Русскые стерич, в по выходы ми не посылати, ни иное ни за что». Они же тогда не восхотеша. Князи же Татарьстии реша воеводам великого князя: «а сего не хотите же, озритеся назад». Они же посмотривше за себя видеша своих бежащих, гонимых никым же. И превозношениа ради нашего и за множство согрешений наших попусти господь неверным одолети многому воинъству православным христианом, яко неправдене бо ходящим и свое христьаньство преже губящим. И худое оно малое безбожных воинство бесчисленое христиан воиньство съодоле и изби, яко единому Агарину десяти нашим и выше того одолети, князи же болшие убегоша сдрави. Бысть же сие месяца декабря в 5. Убьени же быша на бою том: Андрей Костянтинович Шонуров, князь Федор Торусскы, князь Андрей Стародубьской Лобан, Микита Туриков, Семен Горстькин, Кузма Порховской, Иван Куминской, Андрей Хоробров, Дмитрей Каисса, и иных многое множство [2] '.